في حياتي الأكاديمية نشرت أكثر من محاضرة ومقال عن الحجاب السينمائي أو الحجاب في السينما.

واحد من أكثر دراساتي انتشارا هو مقالي عن الموضوع المنشور في المجلة الكندية للأدب المقارن.

لكن طول عمري أواجه مشكلة في تلقي البحث ده، لأني مش بأتكلم عما يسمى مؤخرا بحجاب النساء وإنما عن الاستخدام الجمالي والمجازي للنسيج أو القماش في السينما ، أو مجاز النسيج/الحجاب على الشاشة.

كل مرة أتقدم بطلب لتمويل بحثي عن الموضوع ده، يطلع محكم فاهم ويوصي بتمويلي ويطلع محكم ثاني يقول البحث ده مش متماسك لأنه لا يتعرض للقهر الذي تعيشه النساء الإيرانيات بسبب فرض الحجاب عليهم.

ومع تعاطفي الشديد مع حق السيدات في إنهم يلبسوا أو يقلعوا اللي يحبوه ويختاروه، مش ده موضوع البحث

المشكلة غالبا جاية من إصراري على استخدام كلمة (veil) ومقابلها المعتاد حجاب.

بقيت بأستخدم كلمة قماش بدل كلمة حجاب عشان أتناول فكرتي، لكن قماش لا تؤدي المعنى المطلوب المرتبط بجدلية الكشف والحجب.

الكشف والحجب ليس مجرد قضية جسدية بمعنى ارتباطها بجسد فنانة تكشفه في بيكيني وتحجبه في اعتزالها. الكشف والحجب هو الآلية الأساسية لعمل السينما” في المجتمع

طبعا ده لا يمنع إني بإذن الله، برده هتكلم عن شمس البارودي في المحاضرة اللي أقدمها إن شاء الله يوم الأحد ٢١ في الجمعية المصرية للتنوير بالتعاون مع صالون تفكير” د. وليد الخشاب